TEERAHO KWEJUMBA OMU KUBUURIRA
Okwongyera Kubuurira Gye Tebeekanisa—Enyanjura Eyaawe y’Okugaba Magaziini
AHABW’ENKI KIRI KIKURU: Enyanjura eziri omu katabo aka zitebeekanisiibwe kutuhwera, kwonka twine kutebeekanisa ebigambo ebyaitu ebi turikubaasa kukoresa. Noobaasa kugira empindahinduka ezi waakora omu nyanjura nari noobaasa kugamba aha nshonga endiijo eri omu magaziini erikuhikaana n’embeera z’omu kicweka kyanyu. Bwanyima y’okushoma oketegyereza ebiri omu magaziini, okashwijuma enyanjura ezi orikubaasa kukoresa ezikuhairwe kandi okareeba eby’okureeberaho ebyorekirwe omu vidiyo, noobaasa kukuratira obuhabuzi oburi ahaifo kubaasa kutebeekanisa enyanjura eyaawe.
OKU ORIKUBAASA KUKIKORA:
Yebuuze, ‘Ninza kukoresa emwe aha nyanjura ezimpairwe?’
EEGO
Tebeekanisa ebigambo ebi oraatandikise. Bwanyima y’okuramutsya ou orikuza kubuurira, mugambire ekyakureeta. (Noobaasa kugira oti: “Naija aha . . . “)
Tebeekanisa oku oraayanjure ekibuuzo, ekyahandiikirwe hamwe n’oku oraagabe ekitabo. (Eky’okureeberaho: Kwanjura ekyahandiikirwe, noobaasa kugira oti: “Eky’okugarukamu ky’ekibuuzo eki nikiruga omu kyahandiikirwe eki.”)
NGAAHA
Toorana ekicweka ekirikukushemeza ekiri omu magaziini kandi ekirikuhikaana n’embeera z’omu kicweka kyanyu
Toorana ekibuuzo ekirikubaasa kureetera omuntu kwenda kumanya ebirikukiraho kwonka otamubuuza ekiramureetere kushwara. (Eky’okureeberaho: Ebibuuzo ebiri aha rupapura 2 orwa magaziini.)
Toorana ekyahandiikirwe eki oraakorese. (Waaba nooza kugaba Awake! Kandi noobaasa kwecweramu yaaba oine kushoma ekyahandiikirwe, ahakuba magaziini egi etebeekanisiibwe kuhwera abo abarikumanya bikye ahari Baibuli nari abarikubangaanisa aha diini.)
Tebeekanisa ebigambo ebiraakuhwere kushoboororera ou orikuza kubuurira oku araagasirwe yaashoma ebiri omu kicweka ekyo
ORAAKORESE KYONA REEBA NGU
Tebeekanisa ekibuuzo eki oraagarukyemu waagarukayo
Gira ebi waahandiika ebiraakuhwere kwijuka ebi oraagambe waagarukayo