Ekicweka Kisya Ekiratuhwere Kutandika Kugaaniira n’Abantu

Kuruga Jenwari 2016, enyima ya watchtower ey’abantu boona nihaija kuba hariho ekicweka “Niki Eki Baibuli Erikwegyesa?” Ekicweka eki ekisya kitebeekanisiibwe kutuhwera kugaaniira n’abantu aha biri omu Baibuli. Omuringo ogu kitebeekanisiibwemu nigushushana n’ogwa turakiti zaitu. Hariho ekibuuzo ekirikuhwera ou orikubuurira kugamba eki arikuteekateeka, ekyahandiikirwe ekirimu eky’okugarukamu n’ebindi ebi murikubaasa kuhikaanisaho ebiteekateeko.

Okuhikaanisa ebiteekateeko aha biri omu Baibuli omu muringo murungi , obumwe nikireetera omuntu kwenda kwega Baibuli. Koresa ekicweka eki ekisya kuhwera baingi kwigutsa ekyetengo kyabo ky’eby’omwoyo.​—Mat 5:6.

OKU TURAAKORESE EKICWEKA EKI:

1. Buuza ou orikubuurira kugamba eki arikuteekateeka ahari kimwe aha bibuuzo ebiriho

2. Hurikiza kandi omusiime ahabw’eki yaagarukamu

3. Shoma ekyahandiikirwe ekiri ahansi y’omutwe “Niki Eki Baibuli Erikwegyesa,” reero omubuuze eki arikuteekateeka aha kyahandiikirwe ekyo. Yaaba aine obwire, gumizamu kugaaniira nawe, orikukoresa ebiri ahansi y’omutwe “Niki Ebindi Ebi Turikwega omu Baibuli?”

4. Okugaba Magaziini

5. Kora nawe entebeekanisa kugarukayo mukagaaniira aha kibuuzo kya kabiri