Okwongyera Kubuurira Gye​—Okuhwera Abeegi ba Baibuli Kutunguuka Bakeehayo Kandi Bakabatizibwa

AHABW’ENKI NIKIKURU: Okubaasa kusiimwa Yehova, abeegi ba Baibuli baine kwehayo ahari we kandi bakabatizibwa. (1Pet 3:21) Kandi abo abarikukora ebirikuhikaana n’okwehayo kwabo nibatunga oburinzi bw’eby’omwoyo. (Zab 91:1, 2) Omukristaayo naayehayo ahari Yehova beitu batari bantu, emirimo nari ekibiina. N’ahabw’ekyo, abeegi ba Baibuli baine kukunda Ruhanga kandi bakamusiima.​—Rom 14:7, 8.

OKU TURIKUBAASA KUKIKORA:

• Mwaba nimwega, mworekye eki ebi murikwega birikworeka ahari Yehova. Mworekye obukuru bw’okushoma Baibuli n’okushaba Yehova “obutoosha.”​—1Tes 5:17; Yak 4:8

• Higa omwegi wa Baibuli kutaho ekigyendererwa ky’okwehayo n’okubatizibwa. Kandi muhwere kuhikiiriza ebigyendererwa bye, nk’okugarukamu omu nteerane nari okubuurira abataahi n’abu arikukora nabo. Ijuka ngu Yehova tarikugyema omuntu weena kumuheereza. Okwehayo n’eki buri omwe aine kwecweramu.​—Bir 30:19, 20

• Higa omwegi kukora empindahinduka ezirikwetengyesa kubaasa kushemeza Yehova n’okuba ohikire kubatizibwa. (Enf 27:11) Ahabw’okugira ngu omwegi wa Baibuli naaba akiinemu emitwarize n’emicwe emwe etari mirungi, naaba aine kugumizamu naahwerwa kujuura omuntu owa ira akajwara omusya. (Efe 4:22-24) Gaaniira nawe aha bicweka ebirikuba biri omu Munaara gw’Omurinzi, “Baibuli Neehindura Emitwarize y’Abantu”

• Mugambire okushemererwa oku otungire ahabw’okuheereza Yehova.​—Isa 48:17, 18