EBY’OMUHENDO EBIRI OMU KIGAMBO KYA RUHANGA | OBADIA 1–YONA 4
Yegyera aha Nshobe Zaawe
Ebirikukwata ahari Yona nibyoreka ngu Yehova tarikubaasa kureka kutuhwera ku turikukora enshobe. Kwonka, naayenda ngu twegyere aha nshobe zaitu kandi tukore empindahinduka ezirikwetengyesa.
Yon 1:3
Yona akakora nshobe ki obu yaatunga obujunaanizibwa kuruga ahari Yehova?
Yon 2:1-10
Yona akashaba aha bikwatiraine na ki, kandi Yehova akamugarukamu ata?
Yon 3:1-3
Yona akooreka ata ngu akeegyera aha nshobe ze?