Ebi Turikwega omu Kitabo kya Yona

Yehova, omu Kigambo kye akatamu ebirikukwata aha bashaija n’abakazi abeesigwa kugira ngu tubyegyeremu enshonga enkuru. (Rom 15:4) Oyegire ki omu kitabo kya Yona? Yoreka vidiyo Okuramya kw’Eka: Yona​—Yegyera aha Mbabazi za Yehova, reero mugarukyemu ebibuuzo ebi:

• Ababuurizi bashatu omu vidiyo bakatunga buremeezi ki?

• Ekitabo kya Yona nikibaasa kutuhiga kita twahanwa nari twaba twihirweho obujunaanizibwa? (1Sam 16:7; Yon 3:1, 2)

• Ebirikukwata ahari Yona nibibaasa kutuhwera bita kuguma twine emiteekateekyere mirungi aha kicweka kyaitu ky’okubuuriramu? (Yon 4:11; Mat 5:7)

• Ebyahikire ahari Yona nibituhuumuriza bita twaba twine oburemeezi bw’endwara etarikukira? (Yon 2:1, 2, 7, 9)

• Waayega ki omu vidiyo egi aha mugasho gw’okushoma Baibuli n’okuteekateeka aha bi waashoma?