EBI ABAKRISTAAYO TWINE KUKORA

Okubuurira n’Okwegyesa—Ni Bikuru omu Kuhindura Abantu Abeegi

Yesu akaragiira abakuratsi be kugyenda bakahindura abantu abeegi. (Mat 28:19) Eki nikitwariramu okubuurira n’okwegyesa. Obumwe n’obumwe, tushemereire kwebuuza tuti: ‘Nimbaasa kwongyera nta aha birikutwarirwa omu murimo gw’okuhindura abantu abeegi?’

OKUBUURIRA

Omu mwanya gw’okutegyereza abantu ngu batusherura, twine kwejumbira kimwe omu kusherura ‘abashemereire.’ (Mat 10:11) Twaba nitubuurira, nituba tweteekateekire kukoresa buri kagisha kugamba n’abantu abu ‘turikushangayo butoosha’? (Byak 17:17) Ludia akaba omwegi wa Yesu ahabw’okugira ngu entumwa Paulo akaba naabuurira n’obweziriki.—Byak 16:13-15.

Samuel naaha Ezekiel magaziini; Solomon na Mary nibabuurira Ezekiel na Abigail — “Omu kasheeshe ogume obibe embibo, kandi n’omu mwabazyo orekye kugwisa omukono” (Mub 11:6)

MUREEBE VIDIYO GUMIZAMU NOOBUURIRA ‘OTARIKUREKA’—KITARAARIIRE N’ENJU AHA NJU, KANDI MUGARUKEMU EBIBUUZO EBI:

Samuel arikukora emirimo ye yaabutoosha, akooreka ata ngu akaba ayeteekateekire kubiba embibo z’amazima?
Ahabw’enki twine kugumisiriza omu miringo y’okubuurira yoona?
N’oha ou orikubaasa kubuurira amakuru g’Obukama waaba nookora emirimo yaawe yaabutoosha?

OKWEGYESA

Kubaasa kuhindura abantu abeegi, twine kukora ekirikukira aha kubatsigira ebitabo. Kubaasa kubahwera kutunguuka omu by’omwoyo, twine kugarukayo kandi tukabegyesa Baibuli. (1Kor 3:6-9) Kwonka shi, okuteeraho kwaitu kwegyesa omuntu amazima ku kwakuba kutarugiremu ebirungi nk’oku twakubaire nitwenda? (Mat 13:19-22) Tushemereire kugumizamu nitusherura abo abaine emitima eri ‘nk’eitaka rirungi.’—Mat 13:23; Byak 13:48.

Solomon na Mary nibeegyesa Ezekiel na Abigail Baibuli; Ezekiel na Abigail nibabuurira omu myanya erikuba erimu abantu baingi — “Nyowe nkabyara, Apolo yaitirira amaizi, kwonka Ruhanga niwe yaabikurize” (1Kor 3:6)

MUREEBE VIDIYO GUMIZAMU NOOBUURIRA ‘OTARIKUREKA’—OMU MYANYA ERIMU ABANTU BAINGI N’OKUHINDURA ABANTU ABEEGI, KANDI MUGARUKEMU EBIBUUZO EBI:

Solomon na Mary bakaitirira bata embibo z’amazima omu mutima gwa Ezekiel na Abigail?
Twine kugira kigyendererwa ki omu miringo yoona y’okubuurira, otwariremu n’okubuurira omu myanya erimu abantu baingi?
Nitubaasa kuta omutima tuta aha kwegyesa abandi amazima?