EBI ABAKRISTAAYO TWINE KUKORA

Okwikirizibwa kw’Omurimo Gwaitu gw’Okubuurira Omuri Quebec

Kaisaari, omuserukare Omurooma, na Paulo

Obu Paulo yaabaire naahozesibwa, akajurira ahari Kaisaari. Arikukoresa obugabe bwe nk’omutuuzi wa Rooma, akatuteeraho eky’okureeberaho. Mureebe vidiyo Okwikirizibwa kw’Omurimo Gwaitu gw’Okubuurira Omuri Quebec mwetegyereze oku ab’eishe-mwe baakoreise obugabe bwabo bw’okubuurira omuri Quebec kushagika amakuru marungi. Reero mugarukyemu ebibuuzo ebi:

Abajurizi ba Yehova omuri Quebec omu myaka ya 1940; turakiti ey’omutaano; ow’eishe-emwe arikuha orubazo omu kishaka obu omurimo gwabaire gwemereziibwe; Ow’eishe-emwe Aimé Boucher

Ab’eishe-emwe omuri Quebec bakatunga bureemezi ki?
Ni turakiti ki ey’omutaano ei baagabire, kandi hakarugamu ki?
Niki ekyahikire aha w’eishe-emwe Aimé Boucher?
Ab’eicwero ry’Emanja Erikuru omuri Canada bakacwamu ki aha rubanja rw’Ow’eishe-emwe Boucher?
Niki ekyahwereire ab’eishe-emwe, kandi hakarugamu birungi ki?
Niki ekyabaireho bwanyima y’abaporiisi abaabaire boohereziibwe abeebembezi b’ediini kuteganisa enteerane?