Nooyetegyereza Emitwarize ya Ruhanga Etarikureebwa?

Ku orikureeba ekimuri ky’erangi nungi, enyonyoozi omu iguru, n’obururuma, nooreeba obuhame ngu hariho omuhangi? Ebihangirwe ebitwehinguririize nibyoreka emitwarize ya Yehova etarikureebwa. (Rom 1:20) Twagira obwire tukateekateeka aha bi turikureeba, nitwija kwetegyereza amaani ga Ruhanga, rukundo ye, obwengye bwe, oburinganiza bwe, n’obufura bwe.​—Zab 104:24.

Ni bihangirwe ki ebi orikureeba buri izooba? N’obu waakuba nootuura omu tauni, noobaasa kureeba ebinyonyi n’emiti. Okuteeraho kwetegyereza ebihangirwe bya Yehova nikibaasa kutuhwera kutuubya aha kwerarikirira, tukata omutima aha birikukirayo obukuru, kandi tukongyera kwikiririza omu maani ge g’okutureeberera ebiro byona. (Mat 6:25-32) Ku oraabe oine abaana, bahwere kumanya emitwarize ya Yehova. Twagumizamu turikwetegyereza ebihangirwe ebitwehinguririize, nitwija kwongyera kwirira haihi Omuhangi.​—Zab 8:3, 4.

MUREEBE VIDIYO EBY’OKUTANGAAZA OMU BYAHANGIRWE NIBYOREKA EKITIINISA KYA RUHANGA​—EKYEREREZI N’ERANGI, REERO MUGARUKYEMU EBIBUUZO EBI:

• Niki ekirikutubaasisa kureeba erangi?

• Niki ekirikutureetera kureeba erangi zitarikushushana aha kintu kimwe?

• Ahabw’enki turikubaasa kureeba erangi zitarikushushana ahaiguru?

• Ni rangi ki ezirikushemeza omu byahangirwe ezi orikureeba ahu orikutuura?

• Ahabw’enki twine kugira obwire bw’okwetegyereza ebyahangirwe?