EBI ABAKRISTAAYO TWINE KUKORA
Okwongyera Kubuurira Gye—Okubuurira Turikukoresa Esimu
AHABW’ENKI KIRI KIKURU: Okubuurira turikukoresa esimu n’omuringo mukuru gw’okujanjaaza “amakuru marungi.” (Byak 20:24)a Nigutubaasisa kubuurira omuntu embeera yaaba etarikutwikiriza kumutaayaayira.
OKU ORIKUBAASA KUKIKORA:
Tebeekanisa. Toorana omutwe ogurikushemeza. Reero oteekateekye aha bi orikwenda kugamba. Nikihwera kushutama omu mwanya gumwe oine orupapura ahu ohandiikire ebi orikwenda kugamba kandi oine na byona ebi orikwetenga nk’esimu nari tabuleeti eriho JW Library® nari jw.org®
Ikaikana. Gamba omu muringo gwawe gwa butoosha. Teeraho kumwenya kandi okorese ebicweka byawe by’omubiri oshushe ngu ou oriyo noogamba nawe naakureeba. Yetantare kuhunama ahu kitarikwetengyesa. Nikihwera kukora n’abandi. Ou orikubuurira yaabuuza ekibuuzo, kigarukiremu ou orikubuurira nawe kugira ngu abaase kukuhwera kusherura eky’okugarukamu
Kora entebeekanisa y’okumugarukira. Omuntu yaayoreka ngu naayenda kumanya ebirikukiraho, mutsigire ekibuuzo eki muraagaaniireho omurundi ogundi. Noobaasa kumwohereza kimwe aha bitabo byaitu kurabira aha mukura, kurabira omu posita ofiisi, nari okimutwarire. Nari noobaasa kumwohereza ebicweka kuruga omu bitabo byaitu nari vidiyo aha simu nari aha mukura. Kyaba nikyetengyesa, mugambire bimwe aha biri aha mukura gwaitu
a Omu kicweka kyanyu, mwaba nimwikirizibwa kubuurira murikukoresa esimu, mushemereire kukuratira ebiragiro ebitairweho.