“Tinkamushangayoga Bundi!”

Oraagambire ebigambo nk’ebyo aha muntu owaayorekire ngu naayenda kumanya ebirikukiraho? N’obu oraabe otwire noogarukayo emirundi mingi kureeba omuntu ogwo, tobaasize kwitirira embibo y’amazima ei waabibire. (1 Kor. 3:6) Obumwe, ababuurizi abarikumanya kubuurira gye nibahandikira ou bataragarukire kushanga muka ebaruha nari batsigaho akahandiiko kakye ahansi y’orwigi rwe. Ababuurizi abamwe nibamanya ngu obumwe nibabaasa kutagaruka kushangayo ou baabuurira, reero bamubuuza yaaba naakira kukoresa esimu kugira ngu bamushabe enamba y’esimu ye. Twahandiikira orikwenda kumanya ebirikukiraho ebaruha, tukamwoherereza obutumwa aha Intaneeti, aha simu, tukatsiga akahandiiko kakye ahansi y’orwigi rwe nari tukamuteerera esimu, nitubaasa kubara ngu twagarukayo aha muntu ogwo. N’obu turaabe tutarikukira kumushanga omu ka, nikibaasika kumuhwera kwongyera kwenda kumanya ebirikukiraho.