TEERAHO KWEJUMBA OMU KUBUURIRA | YONGYERA KUTUNGA OKUSHEMERERWA OMU BUHEEREZA BWAWE
Koresa Eby’okureeberaho Kworeka Enshonga Nkuru
Twaba tugarukiire abantu nari turikubeegyesa Baibuli, twine kubahwera kwetegyereza enshonga nkuru. Twakoresa eby’okureeberaho kworeka enshonga nkuru, nitubaasa kubahika aha mitima kandi kibahwere kuguma nibagijuka.
Waaba nootebeekanisa kugarukira omuntu nari kumwegyesa, teekateeka aha nshonga enkuru ezi orikwenda kushoboorora orikukoresa eby’okureeberaho, beitu butari bushonga obukye. Reero otoorane eby’okureeberaho ebyorobi kurugiirira aha bintu bya butoosha. (Mat 5:14-16; Mak 2:21; Luk 14:7-11) Teeraho kwetegyereza embeera y’omuntu n’ebi arikukora butoosha. (Luk 5:2-11; Yoh 4:7-15) Ku oraareebe yaashemererwa ahabw’okwetegyereza enshonga, naiwe nooza kushemererwa.
MUREEBE VIDIYO TUNGA OKUSHEMERERWA OKURIKURUGA OMU KUHINDURA ABANTU ABEEGI—YONGYERA KUBUURIRA GYE—OKUKORESA EBY’OKUREEBERAHO KWOREKA ENSHONGA NKURU, MUGARUKYEMU EBIBUUZO EBI:
Ahabw’enki abeegi ba Baibuli barikubaasa kwetenga kuhwerwa kwetegyereza enyiriri za Baibuli?
Neeta yaakoresa ata eky’okureeberaho kushoboorora ebiri omu Abarooma 5:12?
Eby’okureeberaho ebirungi nibihika abantu aha mitima
Eby’okureeberaho birungi nibikwata bita aha barikutuhurikiiza?
Twaba nitwegyesa abantu, ahabw’enki twine kukoresa vidiyo n’ebindi ebi ekibiina kya Yehova kirikutuha?