Yegyesa Oine Omuhimbo

Twaba twine omuhimbo, nitureetera n’abandi kugira omuhimbo. Kandi nikibaasa kuhiga abantu kwongyera kuta omutima aha bi turikugamba. Kandi nikyoreka ngu nitutwara obutumwa bwaitu nk’obw’omuhendo. Nitubaasa kugira omuhimbo n’obu twakuba turi ba ruganda ki nari twine mitwarize ki. (Rom 12:11) Tuta?

Eky’okubanza, teekateeka aha bukuru bw’obutumwa bwawe. Oine omugisha gw’okubuurira amakuru marungi ‘g’ebigambo birungi!’ (Rom 10:15) Ekya kabiri, teekateeka aha birungi ebi abakuhurikiize baraatungye baahurikiza amakuru marungi. Nibeetenga kuhurira ebi orikwenda kugamba. (Rom 10:13, 14) Eky’aha muheru, gamba oine omujinya, orikukoresa ebicweka byawe by’omubiri, n’obumanyiso bw’aha maisho.

MUREEBE VIDIYO TUNGA OKUSHEMERERWA OKURIKURUGA OMU KUHINDURA ABANTU ABEEGI​—YONGYERA KUBUURIRA GYE—OKWEGYESA OINE OMUHIMBO, REERO MUGARUKYEMU EBIBUUZO EBI:

• 

  Niki ekyareeteire Neeta kuhwamu omuhimbo ogu yaabaire ainiire Jade?

• 

  Niki ekyareeteire Neeta kugaruka kugira omuhimbo?

• 

  Ahabw’enki twine kuta omutima aha mitwarize mirungi ey’abarikutuhurikiza?

• Twaba twine omuhimbo, nikikwata kita aha bu turikwegyesa Baibuli n’abandi?