Yoreka ngu Nookunda ab’Omuka Yaawe

Rukundo ni gaamu erikukwatanisa ab’omuka. Ab’eka baaba batarikukundana, nikibagumira kuguma baine obumwe kandi barikukwatanisa. Abashaija, abakazi, n’abazaire nibabaasa kworeka bata ngu baine rukundo omu ka?

Omushaija oine rukundo naafayo aha byetengo by’omukazi we, ebiteekateeko bye, n’enyehurira ze. (Efe 5:28, 29) Naateeraho kureeberera eka ye omu by’omubiri n’omu by’omwoyo, ekirikutwariramu okugira Okuramya kw’Eka obutoosha. (1Tim 5:8) Omukazi oine rukundo naayorobera iba kandi naamuha ekitiinisa. (Efe 5:22, 33; 1Pet 3:1-6) Bombi baine kuba beeteekateekire kusaasirana. (Efe 4:32) Abazaire abaine rukundo nibooreka ngu nibafayo ahari buri omwe aha baana baabo kandi nibabeegyesa kukunda Yehova. (Bir 6:6, 7; Efe 6:4) Ni buremeezi ki obu abaana baabo barikutunga aha ishomero? Nibagumisiriza bata okugyemeserezibwa kw’ab’orwingano rwabo? Boona omu ka baaba baine rukundo, buri omwe naahurira aine oburinzi.

MUREEBE VIDIYO YOREKA NGU OINE RUKUNDO ETARIKUHWAHO OMU KA YAAWE, REERO MUGARUKYEMU EBIBUUZO EBI:

• 

  Omushaija oine rukundo naatwariza ata omukazi we?

• 

  Omukazi oine rukundo naayoreka ata ngu naaha iba ekitiinisa?

• 

  Abazaire abaine rukundo nibeezirikira bata kwegyesa abaana baabo Ekigambo kya Ruhanga?