TEERAHO KWEJUMBA OMU KUBUURIRA | YONGYERA KUTUNGA OKUSHEMERERWA OMU BUHEEREZA BWAWE
Koresa eby’Okucondoozamu Byaitu
Yehova naatuha eby’okukoresa ebirikutuhwera kwegyesa gye, ebirikutwariramu vidiyo, turakiti, magaziini, obutabo, ebitabo, n’ekikoreso kyaitu ekikuru, Baibuli. (2Tim 3:16) Naatuha n’eby’okucondoozamu ebirikutuhwera kushoboorora Ebyahandiikirwe. Ebi nibitwariramu Watchtower Library, JW Library® app, RAIBURARE Y’AHA INTANEETI™ eya Watchtower, n’Akatabo Akarikuhwera omu Kucondooza ak’Abajurizi ba Yehova.
Noija kutunga okushemererwa waakoresa ebikoreso ebi twine kwongyera kucondooza aha biri omu Baibuli. Teeraho kutendeka abeegi baawe kumanya oku barikubaasa kukoresa eby’okucondoozamu. Nabo nibaija kushemererwa baatunga eby’okugarukamu by’ebibuuzo byabo.
MUREEBE VIDIYO TUNGA OKUSHEMERERWA OKURIKURUGA OMU KUHINDURA ABANTU ABEEGI—IKIRIZA OBUHWEZI BWA YEHOVA—EBY’OKUCONDOOZAMU, REERO MUGARUKYEMU EBIBUUZO EBI:
WJade akahakanisa ata enyegyesa erikugira ngu ebintu bikahangwa?
Neeta akacondooza nkahi ebyabaire nibikwata aha kibuuzo eki baamubuurize?
Okusherura eby’omuhendo omu Baibuli n’okubigambira abandi nikitureetera okushemererwa
Akatoorana ata ebyabaire nibihikaana gye n’ekibuuzo kya Jade?
Neeta akeehurira ata bwanyima y’okukoresa eby’okucondoozamu?