TEERAHO KWEJUMBA OMU KUBUURIRA | YONGYERA KUTUNGA OKUSHEMERERWA OMU BUHEEREZA BWAWE
Ikiriza Obuhwezi bw’Ab’eishe-emwe Bagyenzi Baawe
Yehova atuhaire “ab’eishe-emwe na banyaanyazi-itwe omu nsi yoona” kutuhwera. (1Pet 5:9) Nibabaasa kutuhwera kwemera oburemeezi omu buheereza bwaitu. Nk’eky’okureeberaho, entumwa Paulo akagasirwa omu buhwezi obu Akula na Priskila, Siila, Timoseo, n’abandi baamuhaire.—Byak 18:1-5.
Ab’eishe-emwe bagyenzi baitu nibabaasa kutuhwera bata omu buheereza bwaitu? Nibabaasa kukuha obuhabuzi oburikukuhwera kusingura abarikutuhakanisa, kugarukira abantu, nari kwegyesa abantu Baibuli. Teekateeka aha w’eishe-emwe nari munyaanyazi-itwe omu kibiina orikubaasa kukuha obuhabuzi obu orikwenda, reero omushabe kukuhwera. Hatariho kubangaanisa mwena nimwija kugasirwa, kandi mushemererwe.—Fil 1:25.
MUREEBE VIDIYO TUNGA OKUSHEMERERWA OKURIKURUGA OMU KUHINDURA ABANTU ABEEGI—IKIRIZA OBUHWEZI BWA YEHOVA—AB’EISHE-EMWE, REERO MUGARUKYEMU EBIBUUZO EBI:
Neeta akateeraho ata kuhiga Jade kuza omu nteerane z’ekibiina?
Ahabw’enki tushemereire kweta ababuurizi abandi kutwegaitaho twaba nitwegyesa abeegi ba Baibuli?
Omuntu yaaza kuhika aha kuhinduka omwegi naaba ahwerairwe ekibiina kyona
Jade na Abigay bakaba nibakunda bintu ki ebirikushushana?
Ab’eishe-emwe bagyenzi baawe nibabaasa kukwegyesa bukoryo ki bw’okubuurira?