Banywani Baawe Ab’aha Mukura ni Baahi?

Omunywani naashobororwaho nk’ogwo “orikuhamira ahari mugyenzi we ahabw’okumukunda.” Nk’eky’okureeberaho, Yonasaani na Daudi bakatandika kuba abanywani bwanyima ya Daudi kwita Goliasi. (1Sam 18:1) Buri omwe akooreka emitwarize eyabareetaire kukundana. N’ahabw’ekyo, emikago ehami neeyegamira aha kumanya. Okumanya omuntu ondiijo nikitwara obwire n’amaani. Kwonka, aha mikura y’empurizana, abantu nibabaasa kutunga “abanywani” barikwimata aha ipeesha kyonka. Ahabw’okugira ngu aha mikura abantu nibabaasa kutebeekanisa ebi barikwenda kugamba kandi abamwe nibabaasa kutaho ebi barikwenda ngu abandi babateekateekeho, nikiba kyorobi kushereka eki bari. N’ahabw’ekyo, nikiba kiri kirungi kwegyendesereza abu turikwikiriza kuba banywani baitu. Omuntu ou otarikumanya yaashaba ngu abe munywani waawe aha mukuru, otatiina kwanga ahabw’okuteekateeka ngu naaza kwehurira kubi. Abamwe bacwiremu kutakoresa emikuru y’empurizana ahabw’okwenda kwetantara ebibi ebirikurugamu. Kwonka, waacwamu kukoresa emikuru y’empurizana, oshemereire kuguma noijuka ki?

MUREEBE VIDIYO KORESA GYE EMIKURA, REERO OGARUKYEMU EBIBUUZO EBI:

• 

  Oshemereire kuteekateeka ahari ki otakataire ebigambo n’ebishushani aha mikura?

• 

  Ahabw’enki oshemereire kwegyendesereza waaba nootoorana abanywani aha mikura?

• 

  Ahabw’enki oshemereire kweteeraho obugarukiro aha bwire obu orikumara aha mikura?—Efe 5:15, 16