Koresa Omukura Gwaitu omu Kweshomesa Baibuli Nari omu Kwega okw’Eka
Shomera aha Mukura Gwaitu Magaziini Eziherize Kushohozibwa: Shomera aha mukura gwaitu Watchtower na Awake! ensya ezitakahikire omu bibiina byaitu. Hurikiza ebiri omu magaziini ezo birikushomwa.—Za aha “Ebiriho/Magaziini.”
Shoma Ebyo Ebirikwizira aha Mukura Honka: Ebicweka ebimwe nka “For Young People,” “My Bible Lessons,” “For Family Review,” na “Young People Ask,” nibiija kuba nibishohorezibwa aha jw.org honka. Za aha mukura gwaitu kubaasa kushomeraho bimwe aha bicweka ebi omu kweshomesa Baibuli nari omu kwega okw’eka.—Za aha “Enyegyesa za Baibuli/Abaana” nari “Enyegyesa za Baibuli/Eminyeeto.”
Tunga Amakuru Amasya: Shoma ebirikukwata aha Bajurizi ba Yehova kandi oreebe na bwavidiyo bugufu oburikworeka oku omurimo gwaitu omu nsi yoona gurikugyenda omu maisho. Amakuru agarikukwata aha b’eishe-emwe abahikirweho ebihikiirizi nari okuhiiganisibwa nigabaasa kutuhwera kumanya ebi turaagambe twaba nitubashabira. (Yak. 5:16)—Za aha “Amakuru.”
Condooza Orikukoresa Raiburare y’Aha Intaneeti: Raiburare egi yaaba eriho omu rurimi rwawe, koresa kompyuta, esimu nari ebindi ebirikukubaasisa kukoresa Intaneeti kubaasa kushoma ekyahandiikirwe ky’eizooba nari kucondooza omu bitabo byaitu ebisya.—Za aha “Ebiriho/Raiburare y’Aha Intaneeti,” nari handiika www.wol.jw.org ahu orikutandikira kukoresa Intaneeti aha kompyuta yaawe obone kutandika.
[Ekishushani aha rupapura 4]
(Okureeba oku birikushoboororwa omu bigambo, reeba ekatabo)
Teeraho Kugukoresa
1 Imata aha kishushani nari ahari “Biihe aha.” Ekishushani nikiija omu kabokisi akarikworeka PDF yaakyo. Byohereze aha purinta reero obihe omwana waawe kubikoresa.
2 Imata aha vidiyo kubaasa kugireeba.