Waaba Nooyenda Ebitabo by’Orurimi Orutari rw’Omu Eihanga Ryanyu Ahonaaho

Obumwe nitushanga abantu abarikuba nibenda kushoma ebitabo byaitu omu rurimi orutari rw’omu eihanga ryaitu ebi ekibiina kyaitu kitaine. Nookimanya ngu waaba noobaasa kukoresa Intaneeti na purinta, noobaasa kutunga ebitabo omu ndimi nka 400? Oku nikwo orikubaasa kubitunga:

• Za aha mukura gwaitu gwa Intaneeti, www.watchtower.org.

• Aha mukono gwa buryo ahu waabandiza hariho zimwe aha ndimi ezo. Imata aha kishushani kya maapu y’ensi yoona okureeba endimi zoona eziriho.

• Imata aha rurimi oru orikwenda. Noija kureeba ebi orikubaasa kwohereza ahari purinta nka zaaturakiti, zaaburocuwa nari ebindi. Ahabw’okugira ngu nibiija omu rurimi oru waatoorana, otafayo waaba oteetegyereize emitwe.

• Imata aha mutwe gwa kimwe aha biriho. Ebirimu byona nibiija kureebeka kandi noobaasa kubyohereza ahari purinta orikukoresa akamanyiso ka purinta.

Omukura gwaitu guriho bikye aha bitabo byaitu; ebindi noobaasa kubitunga kurabira omu kibiina. Waareeba ngu omuntu ogwo naabikunda, ni kirungi kushaba ebitabo kurabira omu kibiina.