Koresa Omukura Gwaitu omu Kubuurira

Higa Abantu Kukoresa Omukura Gwaitu: Abo abarikwanga kugaaniira naitwe nari abarikwanga ebitabo byaitu nibabaasa kwenda kumanya ebirikukwata aha Bajurizi ba Yehova barikukoresa jw.org baaba bari omu maka gaabo. N’ahabw’ekyo waagaaniira n’omuntu mugambire aha bikwatiraine n’omukura gwaitu.

Omu Kugarukamu Ebibuuzo: Abu turikubuurira, abarikwenda kumanya ebirikukiraho nari banywani baitu obumwe nibabuuza aha bikwatiraine na Abajurizi ba Yehova nari ebi turikwikiriza. Boorekye eby’okugarukamu orikukoresa kompyuta nari ekindi ekirikukubaasisa kukoresa Intaneeti. Ni kirungi ebyahandiikirwe ebyorekirwe kubishoma omu Baibuli. Waaba otaine ekirikukubaasisa kukoresa Intaneeti, bashoboororere oku barikubaasa kukoresa jw.org kutunga eby’okugarukamu.​—Za aha “Enyegyesa za Baibuli/Eby’Okugarukamu eby’Ebibuuzo Ebirikukwata aha Baibuli” nari “Ebirikutukwataho/Ebibuuzo Ebirikukira Kubuuzibwa.”

Yoherereza Ou Orikumanya Ekitabo Nari Eshuura Yaakyo: Ebi waihaho byoherereze omuntu aha ndagiiriro ye ya Intaneeti omu muringo gwa PDF nari EPUB. Nari oiheho eby’okuhurikiza obite aha CD. Omuntu otakabatiziibwe waamuha ekitabo, akatabo, nari magaziini kuruga aha Intaneeti, okibarire omu bi ogabire. Toshemereire kwohereza ebitabo bingi omurundi gumwe nari kubyoherereza abu otarikumanya. Kandi toshemereire kubiihaho okabita aha Mukura gwa Intaneeti ogundi.​—Za aha “Ebiriho.”

Mworekye Ebisya Ebirikukwata aha Bajurizi ba Yehova: Eki nikiija kuhwera abeegi ba Baibuli n’abandi abu turikubuurira, kusiima omurimo gwaitu gw’okubuurira omu nsi yoona n’obumwe bwaitu. (Zab. 133:1)​—Za aha “Amakuru.”

[Ekishushani aha rupapura 5]

(Okureeba oku birikushoboororwa omu bigambo, reeba ekatabo)

Teeraho Kugukoresa

1 Za aha “Ebiriho,” kubaasa kutoorana ebi orikwenda kwihaho eby’okushoma nari eby’okuhurikiza.

2 Imata aha “MP3” kubaasa kureeba ebicweka ebirimu. Imata aha mutwe gw’ekicweka eki orikwenda kwihaho nari ▸ kuhurikiza.

3 Waaba nooyenda kubihaho omu rurimi orundi toorana ahari ezi.