Koresa Omukura Gwaitu omu Kubuurira​—“Ebibuuzo Ebi Baibuli Erikugarukamu”

Aha jw.org omu “Enyegyesa za Baibuli” hariho ekicweka ekirikwetwa “Ebibuuzo Ebi Baibuli Erikugarukamu.” Twaba nitumanya ebibuuzo ebirikukira kubuuzibwa kandi ou turikubuurira yaatubuuza kimwe aha bibuuzo ebyo, nitubaasa kumugira ngu aze aha Mukura gwaitu kutunga eby’okugarukamu byabyo ebiri omu Baibuli nari tubimworekye. Ebibuuzo ebi nibibaasa n’okukoresibwa kutandika kugaaniira n’omuntu twaba nitubuurira. Nitubaasa kutoorana ekibuuzo eki abantu baingi omu kicweka kyaitu barikwenda kumanya, reero obanze waabuuza ou orikubuurira kukugambira eki arikuteekateeka bwanyima omugambire eki Baibuli erikwegyesa, orikukoresa ebiri aha jw.org. Bwanyima, nitubaasa kumushoboororera nari tumworekye ahu twiha eby’okugarukamu. Nitubaasa n’okumworeka eky’okugarukamu ky’ekibuuzo ekyo aha Mukura reero tumushabe kukishoma. Omukazi w’omureeberezi orikutaayaayira ebibiina we nakikora arikukoresa ekibuuzo eki: “Abantu baingi nibebuuza, ‘Ruhanga niwe arikureetaho okubonabona?’ Okaayenzire kumanya eky’okugarukamu ky’ekibuuzo eki omu busekenda 51?” Reero naamuteereho ebikwatsirwe omu maraka ebi yaihire aha Mukura akata aha simu ye ebirikugarukamu ekibuuzo eki abihurikiza. Naahendera arikwanjura eshuura 11 ey’akatabo Eki Baibuli Erikwegyesa.