Koresa jw.org omu Kubuurira

Omukura gwaitu nigutuhwera munonga kujanjaaza amakuru marungi n’omu bicweka ebya hare. (Byak. 1:8) Abantu baingi abu turikubuurira tibarikubaasa kuza aha jw.org ahabwabo. Kureka nibazaho omubuurizi yaabooreka ebiriho.

Omureeberezi omwe orikutaayaayira ebibiina, aha simu ye hariho vidiyo Ahabw’Enki Oshemereire Kwega Baibuli? kandi ku arikutunga omugisha naagyoreka abantu. Nk’eky’okureeberaho, ku arikuba naabuurira enju aha nju, naagira ati: “Nintaayaayira abantu kubahwera kutunga eby’okugarukamu by’ebibuuzo bishatu bikuru ebi: Ahabw’enki ensi erimu oburemeezi bwingi? Ruhanga naija kubwihaho ata? Kandi ekyo kitakabaireho nitubaasa kugumisiriza tuta? Vidiyo ngufu egi neegarukamu ebibuuzo ebyo.” Bwanyima ou arikubuurira naamuteeraho vidiyo reero ayetegyereza oku arikukwatwaho. Abantu tibarikwiha amaisho gaabo aha vidiyo egi kuhitsya yaahwa, ekirikworeka ngu neebashemeza. Bwanyima omureeberezi ogwo naagira ati: “Omu vidiyo egi waahurira ngu noobaasa kushaba kwegyesibwa Baibuli kurabira aha mukura. Kwonka hati obu ndi aha, nimbaasa kukworeka oku kirikubaasa kukorwa omu bugufu.” Ou arikubuurira ku arikwikiriza, naakoresa akatabo Amakuru Marungi kumworeka oku arikubaasa kwega Baibuli. Ou arikubuurira yaaba ataine bwire, naakora nawe entebeekanisa kukikora yaagarukayo. Ku arikuza kunywa chai, reero akagaaniira omu muringo murungi n’orikuba amushutami aha rubaju, naakoresa enyanjura niyo emwe. Nookoresa jw.org omu kubuurira?