Koresa jw.org omu Kubuurira​—“Ba Munywani wa Ruhanga”

Ekicweka ekirikwetwa “Become Jehovah’s Friend” kiri ahansi y’omutwe “Bible Teachings” aha jw.org kirimu ebirikukwata aha baana otwariiremu ebyeshongoro, vidiyo, n’eby’okukora. Waakoreise ebiri omu kicweka eki omu kubuurira? Ku oraabe nooyegyesa omuzaire oine abaana bato Baibuli, ahabw’enki otarikumworeka ebiri omu kicweka eki? Eki nikibaasa kumuhiga kushwijuma n’ebindi ebiri aha Mukura gwaitu.

Ku twabaire nitugaba turakiti Amakuru g’Obukama Na. 38, ow’eishe-emwe omwe akabugana omukazi owaatandikireho kushoma turakiti ahonaaho yaaheza kugimuha. Akaba aine n’abaana abaabaire nibenda kumanya ebiri omu turakiti egyo nangwa n’ebirikukiraho. Ow’eishe-emwe akahikaanisa n’abo ebiteekateeko omu bugufu aha byabaire birimu reero yaabooreka endagiriro y’Omukura gwaitu enyima ya turakiti. Ahabw’okugira ngu omukazi ogwo akooreka ngu naayenda kumanya ebirikukiraho, akakoresa omugisha ogwo kubooreka vidiyo emwe aha zirikukwata ahari Caleb, arikukoresa esimu ye.

Munyaanyazi-itwe akagambira omukozi mutaahi we oine abaana, ebirikukwata aha Mukura gwaitu n’ebiriho ebirikukwata aha maka. Omukazi akaza aha jw.org ari n’abaana be. Bwanyima, yaagambira munyaanyazi-itwe ngu abaana be baabaire nibeetorora enju barikweshongora “Preach the Word,” kimwe aha byeshongoro ebiri omu kicweka “Become Jehovah’s Friend.”

Manya gye ebiri omu kicweka eki ekiri aha jw.org kandi ogire vidiyo, ebyeshongoro, nari eby’okukora ebi waihaho obite aha simu yaawe nari ekindi kyona. Nikiija kukubaasisa kukoresa ebiri omu kicweka eki ekiri aha jw.org omu kubuurira. Ebiri aha Mukura ka nibiija kutuhwera omu kukorera Mukama!​—Byak. 20:19.