Sherura Obwengye Oburikukwata aha Mbeera za Butoosha aha JW.ORG

Ekigambo kya Ruhanga nikituha byona ebirikwetengyesa kubaasa kwemera okugyezibwa omu biro ebi ebigumire eby’emperu. (2Tim 3:1, 16, 17) Kwonka, obumwe nituba nitwenda obuhwezi kubaasa kutunga omusingye gwa Baibuli ogurikuhikaana n’embeera. Nk’eky’okureeberaho, ori omuzaire orikusherura obuhabuzi oburikukwata aha kworora abaana? Ori omunyeeto orikugumirwa kuguma ori omwesigwa ahari Yehova? Ori efaakazi nari omushaija ofeereirwe omukazi orikuganya ahabw’okufeerwa omukundwa waawe? Nooza kutunga obuhabuzi aha jw.org oburaakuhwere kuhika aha misingye ya Baibuli eraakuhwere omu mbeera ezo hamwe n’ezindi nyingi.—Enf 2:3-6.

Aha jw.org ah’okubanza, za aha BIBLE TEACHINGS. (Reeba ekishushani 1.) Reero otoorane omutwe ogu orikwenda. Nari za aha LIBRARY > ARTICLE SERIES, reero otoorane omutwe ogu orikwenda. (Reeba ekishushani 2.) Noobaasa kushanga emitwe egyo n’aha JW Library^®.a Noija kushemererwa orikushoma emitwe etari emwe n’emwe omu bicweka ebyo. Ogundi omuringo oku orikubaasa kusherura eki orikwenda n’okukihandiika ahari sherura aha jw.org.

Handiika emitwe egi ahari sherura, reero oreebe ebicweka ebi orikwenda kushoma.

• Okworora abaana

• Ebirikuhwera eminyeeto

• Okufa kw’omukundwa