Akakoryo K’okukoresa Omukura

Okutunga Ebicweka Ebirikuteebwa aha Mukura

Ab’eishe-emwe na banyaanyazi-itwe baingi nibakoresa ebicweka ebirikuteebwa ah’okubanza aha jw.org omu kubuurira. Kyorobi kubyoherereza omuntu ondiijo aha simu, kandi nibikira kushoboorora oku ebirikubaho omu nsi birikuhikiiriza obunabi bwa Baibuli. Ow’eishe-emwe omwe akahandiika ngu, ebicweka ebiri ah’okubanza nibyo “byenyini ebirikuhikaana n’obuheereza bwaitu hati.”

Kwonka ebicweka ebyo nibikira kuhindurwa, mbwenu shi noobaasa kutunga ota ebicweka ebitakiri ah’okubanza aha mukura?

• Za ah’okubanza aha jw.org, imata “Reeba Byona.” Noija kureeba emitwe y’ebicweka ebitakiri ah’okubanza.

• Za aha jw.org nari omu JW Library^®, za aha “Raiburare,” “Ebicweka Ebikurataine,” bwanyima za aha “Enshonga Ezindi.” Ekicweka eki kirimu emitwe endiijo mingi eyaabaire yaateirwe ah’okubanza.