Nookoresa JW Library?

JW Library app (software application) ti y’okushashurira kandi naija kukuhwera kuta Baibuli, ebitabo, vidiyo n’ebikwatsirwe omu maraka aha simu yaawe, tabuleti nari aha kompyuta.

OKU ORIKUBAASA KUGITUNGA: Za aha Intaneeti, reero ote aha simu yaawe nari tabuleti JW Library kuruga omu app store. App neebaasa kukoresibwa aha birikubaasa kukoresa Intaneeti ebitari bimwe na bimwe. Waaba ori aha Intaneeti, imata app reero otoorane ebi orikwenda kuta aha ki orikukoresa kyona. Waaba otarikubaasa kutunga Intaneeti ori omu ka, noobaasa kugikoresa ori aha Kyombeko ky’Obukama, aha raiburaare y’abantu boona nari emyanya endiijo erikubaasa kukuhwera. Waaba waateire Ebitabo aha simu nari tabuleti, nooba otarikwetenga kuza aha Intaneeti kubaasa kubireeba. Ahabw’okugira ngu ebintu bisya nibiguma nibyongyerwa aha JW Library, nooba oine kuza aha Intaneeti bumwe na bumwe ku biihaho.

AHABW’ENKI NI KIKURU KUGITUNGA? JW Library neehwera munonga omu kweshomesa Baibuli na waaba ori omu nteerane z’ekibiina. Kandi neehwera omu kubuurira, na munonga waaba noobuurira kitaraariire.