Oku Orikubaasa Kukoresa Ebi Turikubaasa Kugaaniiraho

Ab’eishe-emwe nibakora munonga kutebeekanisa ebi turikubaasa kugaaniiraho, kandi ababuurizi baingi bashangire ngu nibibahwera munonga omu kubuurira. Kwonka, ahabw’okugira ngu embeera tizirikushushana omu nsi yoona, ababuurizi nibabaasa kukoresa omuringo ogundi nari bagambe aha nshonga endiijo ekirikukwata aha abantu omu kicweka kyabo. Kwonka, boona baine kukuratira obuhabuzi oburikukwata aha kampeyini y’omutaano. Ekigyendererwa kyaitu n’okuhikiiriza ekiragiro kya Yesu eky’okubuurira amakuru marungi g’Obukama.—Mat 24:14.

Ababuurizi baaba baine embazo z’abeegi, bashemereire kugaaniira aha nshonga eri omu bi turikubaasa kugaaniiraho omu Katabo k’Obuheereza Bwaitu N’oku Turikutwaza. Kwonka, okwihaho kyayorekwa, ababuurizi nibabaasa kutoorana ekibuuzo ekindi, ekyahandiikirwe ekindi, nari ekiraakurateho, ekirikuhikaana n’embeera y’omu kicweka kyabo. Obuhabuzi obu ni busya waabugyeragyeranisa n’oburi omu katabo k’enteerane ak’okukoresa aka Gyuni 2020 aha rupapura 8.