Gira Obwesigye ngu Noobaasa Kugumisiriza Oburemeezi omu by’Entaatsya

Embeera omu biro by’emperu zijwire oburemeezi. Twaguma nitwirira haihi n’emperu y’obusingye obu, oburemeezi nibuza kuguma nibweyongyera. Obumwe nitubaasa kutagira ebirikwetengyesa byona. (Hab 3:16-18) Niki ekiraatuhwere kugumisiriza oburemeezi omu by’entaatsya? Twine kugumizamu nitwesiga Ruhanga waitu, Yehova. Akaraganisa kureeberera abaheereza be, kandi naabaasa kutureeberera omu buri mbeera.—Zab 37:18, 19; Heb 13:5, 6.

Eki orikubaasa kukora:

• Yeshengyereze Yehova kukuha obuhabuzi, obwengye, n’obushagiki.—Zab 62:8

• Teeraho kwikiriza kukora emirimo ei orikubaasa kuba otakaakoraga.—g-E 1/10 8-9, obubokusi

• Guma oine entebeekanisa nungi y’eby’omwoyo erikutwariramu okushoma ekigambo kya Ruhanga butoosha, okuza omu nteerane z’ekibiina, n’okwejumba omu kubuurira

MUREEBE VIDIYO YOMBEKA ENJU ERAAGUMEHO—“EBI MWINE BIBE NIBYO BYABAMARA,” REERO MUGARUKYEMU EBIBUUZO EBI:

• Amaka agamwe gakatunga buremeezi ki?

• Niki ekirikukirayo obukuru?

• Nitubaasa kuhwera tuta abaine oburemeezi omu by’entaatsya?