EBI ABAKRISTAAYO TWINE KUKORA
Yehova Naatuhwera Kugumisiriza Okugyezibwa Kwaitu
Omu biro ebi eby’emperu, nituhikwaho okugyezibwa kwingi. Obumwe, nitubaasa kwehurira ngu okugyezibwa kwaitu kugumire munonga kwemera. Kwonka, twagumizamu nitwirira haihi Yehova, naija kutuhwera kugumisiriza okugyezibwa nangwa n’obu kwakuba kuri okw’amaani. (Isa 43:2, 4) Nitubaasa kwirira tuta haihi Yehova twaba nitugyezibwa?
Okushaba. Twashaba Yehova twihire aha mutima, naatuha obusingye bw’omu biteekateeko n’amaani g’okugumisiriza.—Fil 4:6, 7; 1Tes 5:17.
Enteerane. Omu bwire obu, nitwetenga kushashaanuka n’eby’okurya by’omwoyo ebi Yehova arikutuha omu nteerane zaitu. (Heb 10:24, 25) Twatebeekanisiza enteerane, tukazizamu, kandi tukazejumbamu, nitugasirwa munonga omu buhwezi bw’omwoyo gurikwera.—Kush 2:29.
Okubuurira. Nikiza kutworobera kuta omutima aha birungi twakora kyona ekirikubaasika kuguma nitwejumbira kimwe omu kubuurira. Nituza kwongyera kuhamya omukago gwaitu na Yehova n’ab’eishe-emwe bagyenzi baitu.—1Kor 3:5-10.
MUREEBE VIDIYO YEHOVA NAIJA KUKWAKIIRA, REERO MUGARUKYEMU EBIBUUZO EBI:
Niki ekyahweraire Malu kuguma haihi Yehova omu kugyezibwa kwe?
Nka Malu, ebiri omuri Zaaburi 34:18 nibibaasa kutuhuumuriza bita twaba nitugyezibwa?
Eky’okureeberaho kya Malu nikyoreka kita ngu Yehova naatuha “amaani agarikukirira kimwe” twaba nitugyezibwa?—2Kor 4:7