EBI ABAKRISTAAYO TWINE KUKORA
Yereebe Nk’oku Yehova Arikukureeba
Yehova ‘naashemerererwa abantu be.’ (Zab 149:4) N’obu turaabe tutahikiriire, naareeba emitwarize yaitu mirungi n’okubaasa kwaitu. Kwonka obumwe nikibaasa kutugumira kwegiraho emiteekateekyere eringaniire. Nitubaasa kwereeba nk’abataine mugasho ahabw’oku abandi barikututwariza. Nari, twata omutima aha nshobe ezi twakozire, nitubaasa kubangaanisa yaaba Yehova naabaasa kutukunda. Niki ekirikubaasa kutuhwera twagira enyehurira nk’ezo?
Ijuka ngu Yehova naareeba eki abantu batarikubaasa kureeba. (1Sam 16:7) Ekirikumanyisa ngu naabaasa kutureebamu eki itwe tutarikureeba. Ekirikushemeza, Baibuli neetuhwera kwetegyereza oku Yehova arikutureeba. Eki nitubaasa kukyetegyereza twashoma ebiri omu Baibuli tukareeba oku Yehova arikukunda abaheereza be.
MUREEBE VIDIYO HAMIZA OMUTIMA GWAWE AHARI YEHOVA, REERO MUGARUKYEMU EBIBUUZO EBI:
Eky’okureeberaho ky’omwana omwiruki n’ishe nikitwegyesa ki aha ku Yehova arikutureeba?
Omuntu yaakora ekibi ky’amaani kwonka akakora kyona ekirikwetengyesa kugaruraho omukago gwe na Yehova, naabaasa kuhamiza ata omutima gwe ahari Yehova?—1Yoh 3:19, 20
Ow’eishe-emwe akagasirwa ata bwanyima y’okushoma ebirikukwata ahari Daudi na Yehoshafaati kandi akabiteekateekaho?