EBI ABAKRISTAAYO TWINE KUKORA
Yesigye Yehova Waaba Noorahurwa
Abarikurahura nibabaasa kutureetera kugira obusaasi omu mubiri n’omu nyehurira. Nibabaasa kutureetera kuhwamu amaani omu by’omwoyo twatiina baahakanisa okuramya kwaitu. Noobaasa kwerinda ota abarikurahura?
Abaheereza ba Yehova baingi baabasize kusingura abarikubarahura barikwesiga Yehova. (Zab 18:17) Nk’eky’okureeberaho, Esteeri akagamba kubaasa kusheeshuura enaama z’omurahuzi mubi orikwetwa Hamani. (Est 7:1-6) Esteeri atakakozire ekyo, akooreka ngu naayesiga Yehova arikwesibyakwo. (Est 4:14-16) Yehova akaha ebikorwa bye omugisha kandi yaamurinda n’abantu be.
Abato, haagira owaakurahura, shaba Yehova kukuhwera kandi ogambire omuntu okuzire, nk’abazire baawe, aha buremeezi bwawe. Noobaasa kugira obwesigye ngu Yehova naija kukuhwera nk’oku yaahwereire Esteeri. Niki ekindi eki orikubaasa kukora waaba noorahurwa?
MUREEBE VIDIYO EBI EMINYEETO BARIKURABAMU—NIMBAASA KUKORA KI NAABA NINDAHURWA? REERO MUGARUKYEMU EBIBUUZO EBI:
Abato nibabaasa kwegyera ki ahari Charlie na Ferin?
Abazaire nibabaasa kwegyera ki aha bi Charlie na Ferin baagambire aha bikwatiraine n’okuhwera abaana aha ki baine kukora baarahurwa?