Ruhanga Naahurira Okushaba Kwawe?
Waashaba, nooteekateeka ngu buzima Ruhanga naakuhurira?
EKI BAIBULI ERIKWEGYESA?
Ruhanga naahurikiza. Baibuli neetuhamiza ngu Yehova ‘ari haihi na boona abarikumutakira omu mazima. Kandi naahurira okutaka kwabo’ baashaba obuhwezi.—Zaaburi 145:18, 19.
Ruhanga naayenda ngu omushabe. Baibuli neetuhiga eti: “Omuri byona mumanyise Ruhanga ebi murikwetenga omu kushaba n’okweshengyereza, kandi musiime.”—Abafilipi 4:6.
Ruhanga buzima naakufaho. Ruhanga naamanya gye ebirikukwerarikiriza, kandi naayenda kukuhwera. ‘Omwegyekyerere okushoberwa kwawe kwona,’ nikwo Baibuli erikugira, ‘ahakuba naakutaho omutima.’—1 Petero 5:7.