Hamira aha Ntebeekanisa Yaawe ey’Okushoma Baibuli Buri Izooba

Ahabw’okugira ngu twine bingi eby’okukora, nookira kugumirwa kugyendera aha ntebeekanisa yaawe ey’okushoma Ekigambo kya Ruhanga buri izooba? (Yos. 1:8) Kyaba nikwo kiri, teeraho kukora ebi:

• Taho eky’okukwijutsya buri izooba. Ta alamu omu simu yaawe kuguma neekwijutsya obwire bwawe bw’okushoma Baibuli bwahika.

• Ta Baibuli yaawe omu mwanya ahu oraarahukye kugireeba. Waaba nooshoma omu Baibuli eteirwe aha mpapura, gibiikye omu mwanya ahu orikurahuka kureeba buri izooba.—Bir. 11:18.

• Hurikiza Baibuli ekwatsirwe omu maraka. Noobaasa kugihurikiza waaba nookora emirimo yaawe eya butoosha. Payoniya orikwetwa Tara kandi omuzaire orikukora ekiro naagira ati: “Okuhurikiza Baibuli ekwatsirwe amaraka naaba ninkora emirimo yangye ey’omuka nikimpwera kugumizamu ninshoma Baibuli yangye buri izooba.”

• Otahanika. Hagira ekyabaho kikateganisa entebeekanisa yaawe, haakiri shoma emishororongo mikye otakagiire kubyama. N’obu waakushoma emishororongo mikye buri izooba, buzima noija kugasirwa.—1 Pet. 2:2.