Eki Obukama bwa Ruhanga Buraakorere Obuhangwa bw’Ensi

“Embeera mbi y’obwire eruhize abantu, yaashiisha endembo n’oku ebihangirwe birikukoragana. Eihunga ry’amaani eririkwongyera kuba ery’amaani ahabw’empinduka y’obwire niricwekyereza amaju g’abantu n’ebirikubahwera kwebaisaho omu nsi yoona. Eby’omu nyanja biri omu kabi k’amaani ak’okufa ahabw’okuteganisibwa obutagatsi bw’amaani.”—Inger Andersen, omuhwezi w’omuhandiiki w’Ekibiina ky’Amahanga Ageeteeraine, kandi orikukurira ekitongore ky’eby’embeera y’obwire ekya UN, Okwamushanju 25, 2023.

Gavumenti shi niziija kwegaita kugonjoora enshonga z’ensi yoona? Mbwenu shi nizibaasa kugonjoorera kimwe oburemeezi obu obutagaruka kubaho?

Baibuli neegamba ahari gavumenti erikubaasa kugonjoora oburemeezi bw’obuhangwa bw’ensi, kandi buzima neija kukikora. Neegira ngu ‘Ruhanga ow’omu iguru naija kutaho Obugabe’ nari gavumenti, kutereeza enshonga z’ensi. (Danieli 2:44) Gavumenti egi ku eraabe neetegyeka ensi yoona, abantu tibarikwija kukora “kubi, n’obu kwakuba” okucwekyereza bagyenzi baabo nari ensi.—Isaaya 11:9.