Eki Obukama bwa Ruhanga Buraakorere Entaatsya Mbi

Abantu baingi omu nsi yoona nibagumirwa kwebaisaho, kandi eki nikyongyera kugumira kimwe.

• Kurugiirira ahari ripoota y’ensi yoona,a “esente ezi abantu barikukora buri kwezi zituubire munonga.” Ripoota egi ekarabura ngu haaba hataine ekikozirwe, nihaija “kwongyera kubaho okukirakirana,” kandi “abakozi baingi n’ab’amaka gaabo nibaija kwongyera kutuura omu mbeera mbi.”

Mbwenu shi gavumenti z’abantu niziija kutereeza oburemeezi bw’entaatsya, kandi zibwihireho kimwe?

Baibuli neeshoboorora ngu hariho gavumenti erikwija kugonjoora oburemeezi bw’entaatsya, otwariiremu n’okukirakirana kw’abantu. Baibuli neegira ngu ‘Ruhanga ow’omu iguru naija kutaho Obugabe,’ nari gavumenti emwe erikwija kukora aha nshonga z’ensi zoona. (Danieli 2:44) Gavumenti egi ku eraabe neetegyeka ensi yoona, tihaine muntu weena orikwija kweba nari kutsigwa enyima. (Zaaburi 9:18) Obukama bwa Ruhanga nibwija kubaasisa abatuuzi baabwo kutunga buri kimwe eki barikwenda kubaasa kushemererwa. Abantu boona nibaija kwesiimira omu mirimo y’emikono yaabo.—Isaaya 65:21, 22.