Yesu Naija Kumaraho Enkozi z’Ebibi

Yesu naamanya eki kirikumanyisa okubonabona ahabw’enkozi z’ebibi n’abatari baringaaniza. Akabeihererwa, yaateerwa omu buryo butahikire, yaahozesebwa omu butari buringaaniza, baamusingisa orubanja rugwire, kandi yaitwa omu muringo gw’obusaasi. N’obu araabe yaabaire ataine rubanja, ayekundiire kandi atarikweyendeza, akahayo “amagara ge nk’ekitambo kucungura abantu baingi.” (Matayo 20:28; Yohaana 15:13) Hati Yesu obu ari Omugabe w’Obukama bwa Ruhanga, juba naija kureetaho oburingaaniza omu nsi yoona, amarireho kimwe n’enkozi z’ebibi obutagarukaho.—Isaaya 42:3.

Baibuli neeshoboorora oku ensi eraabe eri, Yesu ku araatandike kugitegyeka:

• ‘Omubi naija kuba atakiriho, buzima noija kusherura aha mwanya gwe, oshangye atariho. Kwonka abacureezi nibaija kuhungura ensi, beesiime ahabw’okugira obusingye bwingi.’—Zaaburi 37:10, 11.

Nitubaasa kworeka tuta ngu nitusiima ebi Yesu yaaherize kukora n’ebi arikwija kutukorera? Omuri Luka 22:19, Yesu akagambira abakuratsi be kwijuka okufa kwe. Niyo nshonga ahabw’enki buri mwaka, aha biro ebi Yesu yaafeereireho, Abajurizi ba Yehova nibateeranira hamwe kwijuka okufa kwe. Nitukweta kutwegaitaho kwijuka okufa kwa Yesu aha Sande, Maaci 24, 2024.

Sherura Ekiijutsyo