Ekicweka 8

Okufa kwa Yesu Kukwiniire Makuru Ki?

Ku haahingwireho ebiro bishatu Yesu aherize kufa, abakazi bamwe bakaza omu mwanya ei yaabaire aziikirwe baashanga atarimu. Yehova akaba yaamuzoire.

Bwanyima Yesu akeeyoreka entumwa ze.

Buzima, Yehova akazoora Yesu nk’ekihangirwe ky’omwoyo eky’amaani kandi ekitarikufa. Abeegi ba Yesu bakamureeba naateemba omu iguru.

Yesu akafa ngu tubaase kutunga amagara agatahwaho. Yohaana 3:16

“Ebihembo” by’ekibi niki?—Abarooma 6:23.

Yesu akatuteeraho omuhanda gw’okutunga amagara agatahwaho.​—Abarooma 5:21.

Yesu akahayo amagara ge nk’ekitambo ahabw’abantu. (Matayo 20:28) Okurabira omu kitambo ekyo, Ruhanga naatubaasisa kutunga amagara agatahwaho.

Yehova akatoorana Yesu nk’Omukama kutegyeka ensi. Abantu abandi abeesigwa 144,000 nibazoorwa kuruga omu nsi kutuura na Yesu omu iguru. Yesu n’abo 144,000 nibo barikukora obutegyeki bw’omu iguru obuhikiriire​—nibwo Bukama bwa Ruhanga.​—Okushuuruurwa 14:1-3.

Obukama bwa Ruhanga nibwija kuhindura ensi paradiso. Engamba, obubi, obworo n’enjara nibiija kuhwaho. Abantu nibaija kushemererwa buzima.​—Zaaburi 145:16.

Ruhanga akazoora Yesu yaamuhindura Omukama w’Obukama Bwe. Danieli 7:13, 14

Obukama bwa Ruhanga nibwija kureeta migisha ki?​—Zaaburi 72.

Tushemereire kushaba ngu Obukama bwa Ruhanga bwije.​—Matayo 6:10.