Batendeke Kugumizamu Nibaheereza Yehova

Eby’okureeberaho nibyoreka ngu ababuurizi abasya abatendekirwe kwejumba omu kubuurira obutoosha n’omujinya nibakira kuba ababuurizi barungi. (Enf 22:6; Fil 3:16) Obu n’obuhabuzi bumwe aha ku orikubaasa kuhwera omwegi kugira omusingye murungi omu kubuurira:

• Ahonaaho omwegi yaikirizibwa kutandika kubuurira, tandika kumutendeka. (km 8/15 1) Muhwere kwetegyereza ngu ni kikuru kugira entebeekanisa y’okuza kubuurira buri saabiiti. (Fil 1:10) Gira emiteekateekyere mirungi aha kicweka eki murikubuuriramu. (Fil 4:8) Muhwere kukora n’orikwebembera guruupu n’ababuurizi abandi kubaasa kugasirwa omu bi barikumanya.​—Zab 1:5; km 10/12 6 kacw. 3

  

• Omwegi waawe yaaheza kubatizibwa, otakarekyera aho kumugumya n’okumutendeka omu kubuurira, okukira na munonga yaaba atakaherize kwega omu katabo “Mwerindire omu Kukunda.”​—km 12/13 7

  

• Koresa enyanjura eyorobi waaba n’obuurira n’omubuurizi musya. Bwanyima y’okuhurikiza enyanjura eye, musiime. Muhe obuhabuzi oburikubaasa kumuhwera kwongyera kubuurira gye.​—km 5/10 7