Okweijutsya eby’Eishomero ry’Obuheereza

Ebibuuzo ebi ahaifo nibiija kugarukwamu omu Eishomero ry’Obuheereza, omu saabiiti erikutandika Agusto 27, 2012. Ebiro obu buri nshonga eraabe neegambwaho nibyorekwa, kugira ngu tuzicondoozeho twaba nitwetebeekanisiza eishomero buri saabiiti.

1. Okworekwa kwa Ezekieli okwabaire nikukwata aha ihanga rya Yuda erigomi kukaba nikworeka ki, kandi ekyo nitukyegaho ki? (Ezk. 8:15-17) [Gyur. 2, w07-E 7/1 rup. 13 kacw. 6; w93-E 1/15 rup. 27-28 kacw. 7, 12]

2. Abeebembezi b’ediini abaingi nibashushana bata na baanabi b’ebishuba ab’omu bwire bwa Ezekieli? (Ezk. 13:3, 7) [Gyur. 9, w99-E 10/1 rup. 13 kacw. 14-15]

3. Omu bunabi oburi omu Ezekieli 17:22-24, n’oha orikugambwaho ‘nk’akataagi koorobi,’ kandi ‘orushozi ruraingwa orutunguukire’ oru abyairweho niki, kandi ni mu muringo ki ogu arikwija kuba “omwereezi gw’ekitiinisa”? [Gyur. 16, w07-E 7/1 rup. 12-13 kacw. 6]

4. Okurugiirira aha nfumu eri omu Ezekieli 18:2, abaabaire bari omu bukwatwa na Ezekieli bakaba nibeekwatsa oha ahabw’okubonabona kwabo, kandi ekyo nitukyegaho ki? [Gyur. 23, w88-E 9/15 rup. 18 kacw. 10]

5. Ebiri omu Ezekieli 21:18-22 nibyoreka bita ngu tihariho omuntu nari baadaimoni abarikubaasa kuremesa Yehova kuhikiiriza ekigyendererwa kye? [Gyur. 30, w07-E 7/1 rup. 14 kacw. 4]

6. Nk’oku kirikworekwa omu Ezekieli 24:6, 11, 12, omukyereenyo gw’enyungu nigujwekyera ki, kandi ni musingye ki oguri omu runyiriri 14? [Agu. 6, w07-E 7/1 rup. 14 kacw. 2]

7. Obunabi oburikukwata aha rurembo Tuuro bukahikirizibwa buta? [Agu. 6, it-1-E rup. 70, kab. si-E rup. 133 kacw. 4]

8. Ni bigambo ki ebiri omu Ezekieli 28:2, 12-17 ebirikushoboorora aha mugabe wa Tuuro na Sitaane omuregi? [Agu. 13, w05-E 10/15 rup. 23-24 kacw. 10-14; it-2-E rup. 604 kacw. 4-5]

9. Ni ryari obu Misri yaaba amatongo kumara emyaka 40, kandi nituhamya tuta ngu buzima ekyo kikabaho? (Ezk. 29:8-12) [Agu. 13, w07-E 8/1 rup. 8 kacw. 5]

10. Ezekieli akatwaza ata, abantu ku baamuhiganiise, bakanga kuhurira kandi bakamujuma, kandi Yehova akamuhamiza ki? (Ezk. 33:31-33) [Agu. 20, w91-E 3/15 rup. 17 kacw. 16-17]