Empindahinduka omu Nteerane Zaitu ez’Ahagati ya Saabiiti

Kutandika na saabiiti eya Sebutemba 3, Okwega Baibuli okw’Ekibiina nikuza kuruga aha dakiika 25 kube okw’edakiika 30. Orikwebembera okwega okwo, omu nyanjura ye naija kuba naakoresa edakiika emwe kutwijutsya ebibaire biri omu kwega okwenyima. Oruteerane rw’Obuheereza narwo nirwija kuba nirutwara edakiika 30 omu mwanya gwa 35. Tihakigaruka kubaho ekicweka ky’ebirango byonka, kureka haaba hariho ekirango nikiija kuba nikirangwa aha kutandika kw’ekicweka ekirikubanza omu ruteerane rw’obuheereza. Ebirango bikye ebirikwetengyesa byonka nibyo birikubaasa kurangwa kandi tikirikwetengyesa kuranga ebicweka ebiri omu ruteerane rw’obuheereza. Ebirango nk’ebirikukwata aha ntebeekanisa z’okuza kubuurira, okuboneza n’endamutsyo tibishemereire kurangwa. (km 10/08 rup. 1, kacw. 4) Haaba hariho ekirango kiraingwa, nikiba kiri kirungi abo abaine ebicweka omu ruteerane rw’obuheereza kumanyisibwa kare kugira ngu batuubye aha bwire obu baine kukoresa.