Nitubaasa Kusingura Rwango!

Kyaba tikwo kiri, shana obundi orahuriireho ebirikukwata ahari rwango. Omu makuru nitukira kuhurira okushoroora omu nganda, erangi, n’ebitingwa. N’ekirugiremu, gavumenti nyingi nizitaho ebiragiro by’okufubira abarikukora emishango erikukwata ahari rwango.

Rwango neerahuka kuzaarukamu rwango nyingi. Abarikutwarizibwa omu muringo gwa rwango nibeeshashuza, reero rwango egumizamu neeyetooroora.

Obundi barakushoroireho, bakakurahura, bakakujuma, bakakutiinatiinisa, nari bakakuharana ahabw’enshusha yaawe. Kwonka rwango neekira ahari ekyo. Rwango neekira kurugamu okutwarizibwa kubi, okutaahirirwa, okuteerwa, okuhambwa, okwitwa, nangwa n’okutirimbura abantu baingi.

Magaziini egi neeyoreka oku rwango erikubaasa kusingurwa, kandi neegarukamu n’ebibuuzo ebi:

• Ahabw’enki hariho rwango nyingi?

• Rwango neebaasa kuzibirwa eta kugumizamu?

• Obwire nibwija kuhika rwango neehweraho kimwe?