Kodi Tingapfunze Ciyani m’Fala la Mulungu?

Bibliya lina mafala ya Mulungu kwa ifepano lero lino. Iro limbatiratiza momwe tingakhalire na moyo wa phindu na bzomwe tingacite kuti tibvumidwe na Mulungu. Ndipo iro limbatawirambo mibvunzo yakutewerayi:

1 Kodi Mulungu mbani?
2 Kodi mungapfunze tani bza Mulungu?
3 Kodi Bibliya lidanembedwa tani?
4 Kodi Bibliya ndakulondoza likambalewa bza dziko?
5 Kodi njiponi nkhani ikulu ya m’Bibliya?
6 Kodi Bibliya likhadaleweratu ciyani bza Mesiya?
7 Kodi Bibliya lidaleweratu ciyani bza nsiku zathu zino?
8 Kodi Mulungu ndiye omwe ambacitisa kubonera?
9 Thangwe ranyi wanthu wambabonera?
10 Kodi Bibliya lidaleweratu ciyani bza kutsogolo?
11 Kodi n’ciyani cimbacitika munthu akafa?
12 N’cidikhiro ciponi tingakhale naco kwa anyakufa?
13 Kodi Bibliya limbalewa ciyani pa nkhani ya basa?
14 Kodi mungaphatisire tani basa bwino kobiri yanu?
15 Kodi mungagumane tani cikondweso?
16 Kodi mungalimbane tani na thupo?
17 Kodi Bibliya lingathandize tani banja lanu?
18 Kodi mungamufenderere tani Mulungu?
19 Kodi ni nkhani ziponi zimbagumanika m’mabukhu yakusiyana-siyana ya m’Bibliya?
20 Kodi mungagumane tani phindu pa kuwerenga kwanu Bibliya?

MOMWE MUNGAGUMANIRE MAVESI YA M’BIBLIYA

Bibliya lense lina mabukhu mang’ono-mang’ono yakukwana 66. Iro ndakugawidwa m’bzipande bziwiri: Bzinembo bza Cihebereu (“Cipangano Cakale”) na Bzinembo bza Cigerego (“Cipangano Cipsa”). Mabukhu mazinji ya m’Bibliya yadagawidwa m’makapitulo na mavesi. Pa cinembo ciri-cense, mulewengo wakutoma pambuyo pa dzina la bukhu, umbaimira kapitulo ndipo mulewengo waciwiri umbaimira vesi ayai mavesi. Mwa ciratizo, Ciyambo 1:1 bzimbathandauza: Ciyambo kapitulo 1, vesi 1.