Kodi Bibliya Limbalewa Ciyani?

Kodi Dyabu n’ciyani ayai ni mbani?

KODI IMWEPO MUNGALEWE kuti Dyabu ni . . .

• Munthu wauzimu?

• Uipi mu mtima mwa munthu?

• Kodi ni bzakutewera bza makumbukidwe ya wanthu?

BZOMWE BIBLIYA LIMBALEWA

Dyabu adalewalewa ndipo adayeza Jesu. (Mateu 4:1-4) Tenepo Dyabu si wakundokumbukira, ayai kuti iye ankundoyimira bzakuipa. Iye ni munthu wauzimu wakuipa.

KODI N’BZIPONI BZINANGO BZOMWE TINGAPFUNZE KUCOKERA M’BIBLIYA?

• Dyabu adacokera ku anjo wakucena, koma ‘alibe kudimbirira m’cadidi.’ (Juwau 8:44) Iye adakhala nyamagunkha ndipo adapandukira Mulungu.

• Wanjo winango wadaphatana na Sathani pa kupandukako.—Cibvumbulutso 12:9.

• Dyabu ankumpsinkha wanthu azinji kuti aleke kudziwa bza kukhala kwace.—2 Wakolinto 4:4.

Kodi Dyabu angatsogolere wanthu?

WANTHU WINANGO AMBALEWA kuti Dyabu ambatsogolera lini wanthu koma winango ambagopa kutsogoledwa na mizimu yakuipa. Kodi imwepo munti tani?

BZOMWE BIBLIYA LIMBALEWA

‘Dziko lense liri m’manja mwa nyakuipayo.’ (1 Juwau 5:19) Dyabu ambayeza kupumpsa wanthu koma iye ambakwanisa lini kutsogolera wanthu wensene.

KODI N’BZIPONI BZINANGO BZOMWE TINGAPFUNZE KUCOKERA M’BIBLIYA?

• Dyabu ankuphatisa basa kupumpswa kuti wanthu amukhulupire.—2 Wakolinto 11:14.

• Mizimu yakuipa nthawe zinango ingatsogolere wanthu.—Mateu 12:22.

• Na thandizo la Mulungu, mun’dzakwanisa ‘kumutsutsa Dyabu.’—Tiyago 4:7.