‘Mafalaya . . . Yan’funika Kukhala mu Mtima Mwako’
Abereki wali ninga abusa. Iwo wan’funika kusamala bwino wana wawo, womwe wangataike wacikhala pa ngozi. (Mim. 27:23) Kodi abereki wangakwanise tani kucita mbali yawoyi? Iwo wan’funika kukhala na nthawe nsiku iri-yense ya kuceza na wana wawo kuti wadziwe bzomwe bziri mu makumbukidwe na mu mtima mwawo. (Mim. 20:5) Tenepo, abereki wan’funikambo kumanga na bzinthu bzakusaya kuphata moto kuti walimbise cikhulupiro ca wana wawo. (1Wak. 3:10-15) Vidiyo yakuti “Mawu Awa . . . Azikhala Pamtima Pako” imbabvekesa kufunika kwa kunamata ninga banja mwakukhazikika. Onani ninga banja ndipo mukamala mucezerane mibvunzo iyi:
(1) N’ciyani cidacitisa kuti banja la a Thomas Roman litazire kuwona bzinthu mwauzimu? (2) Pomwe M’bale Thomas Roman adayezera kuyamba kunamata ninga banja, n‘thangwe ranyi bziribe kuphata basa? (3) Kodi ni njira iponi ya m’bzinembo yomwe njakuthandiza pa kulera wana? (Bzak. 6:6, 7) (4) N’ciyani cingathandize kuti m’banja mukhale na maceza yabwino? (5) Kodi ni mtundu uponi wa kubzipereka omwe wana ambafuna kuti abereki wawo wacite? (6) Kodi M’bale na Mpfumakazi Barrow adakhala tani wakuthandiza banja la Thomas Roman? (Mim. 27:17) (7) Kodi msolo wa banja an’funika kukonzekereratu ciyani pomwe nsikuyo inati kufika kuti kunamata ninga banja kudzakhale kwaphindu? (8) Kodi M’bale Roman adayamba tani kucinja bzinthu m’banja mwace? (9) Thangwe ranyi kunamata ninga banja n’kwakufunika nthawe zense? (Wayef. 6:4) (10) Kodi ni bzinthu bzinango bziponi bzomwe bzingakhale bzakuthandiza pa kunamata ninga banja? (11) Kodi M’bale Roman adakhala tani wakuderekha na wakulimbikira pa kuthandiza Makasi kuti awone kufunika kwa kucita bzomwe mpsabwino? (Jer. 17:9) (12) Kodi M’bale na Mpfumakazi Roman adacezerana tani na Rabeka pa kumuthandiza kuti acite cakusankhula cabwino pa uxamwali bwace na Jastin? (Mar. 12:30; 2Tim. 2:22) (13) Kodi M’bale na Mpfumakazi Roman adalatiza tani cikhulupiro pa kucinja bzinthu pa moyo wawo? (Mat. 6:33) (14) Kodi vidiyoyi yatsindika tani bwino kufunika kwa misolo ya banja kusamalira mwauzimu mabanja yawo? (1 Tim. 5:8) (15) Kodi n’ciyani comwe mwatsimikiza kucita ninga msolo wa banja?
MAFALA KUNA MISOLO YA BANJA: Imweyi ikhali drama yakubverana na bzakucitika bza nsiku zino yomwe idacitidwa pa mtsonkhano wacigawo mu 2011. Pa nthaweyo, kodi mudawona kufunika kwa kucita bzinthu bzinango pa kunamata kwanu ninga banja kuti kuyende patsogolo? Tani tsapano? Penu pakadafunika kucinja, taphata minyendo, citani mpembo wakukumbira kuti bzikwanisike kucinja mucigumana phindu lakusaya kumala.—Wayef. 5:15-17.