‘Fambani mwa Cikhulupiro Sikuti Mwakuwoneka na Maso’

Pomwe Jeruzalemu akhadasala pang’ono kuzunguliridwa na kupfubzidwa, mpostolo Paulo adanemba kuti Akristau, ninga acikunda wabwino wa Kristu, angadafunika kudikhirira mabvuto na kuti angadadzapasidwa lini mpata wakukhala pa bwino na wakukondwa. (2 Tim. 2:3, 4) Pakuwona kuti tingagumane na matsoka m’dziko lakusaya kugopa Mulunguli, tin’funika kukhala na cikhulupiro cakulimba kuti tipitirize kuikha maso yathu pa bzinthu bzauzimu. (2 Wak. 4:18; 5:7) Wonani vidiyo yakuti ‘Yendani mwa Chikhulupiriro Osati mwa Zooneka ndi Maso.’ (Pitani pa jw.org, mucipita pomwe padanemba kuti MABUKU > MAVIDIYO.) Wonani momwe kutengeka na bzinthu bzakuthupi bzidakhalira msampha kwa Nahamu na Abitali. Tsapano cezeranani mibvunzo inkutewerayi.

(1) Kodi ‘cinthu cakunyansa. . .cakuima pa m’mbuto yakucena’ mu magole dzana yakutoma cikhali ciyani, ndipo n’ciyani comwe Akristau womwe akhakhala ku Jeruzalemu akhafunika kucita? (Mat. 24:15, 16) (2) Thangwe ranyi kuthawa mu mzinda wa Jeruzalemu kukhafunika cikhulupiro? (3) Kodi kuthawako kudaphatanidza kucita ciyani? (4) Thangwe ranyi Nahamu na Abitali adacedwa kuthawa? (Mat. 24:17, 18) (5) Kodi ni mayezo manango yaponi yomwe Rakele adagumanana nayo pomwe akhacoka ku Jeruzalemu? (Mat. 10:34-37; Mar. 10:29, 30) (6) Kodi Etani adakhala tani ciratizo cabwino ca cikhulupiro na kuthemba Yahova? (7) Kodi ni mabvuto yaponi yomwe Akristau adagumanana nayo ku Pela? (8) Kodi cikhulupiro ca Nahamu na Abitali cidamala tani mwa pang’ono na pang’ono? (9) Kodi Yahova adasamalira tani Akristau omwe akhakhala ku Pela? (Mat. 6:33; 1 Tim. 6:6-8) (10) Kodi tingatewezere tani Abalahamu na Sara pomwe tinkukhala kumphampha kwa mkonzedwe uno wa bzinthu? (Waheb. 11:8-10) (11) Kodi n’ciyani cidacitisa Nahamu na Abitali kubwerera ku Jeruzalemu, ndipo thangwe ranyi makumbukidwe yamweya yakhali yakuphonyeka? (Lu. 21:21) (12) Pomwe Nahamu na Abitali adabwerera ku Jeruzalemu, kodi bzinthu bzikhali tani? (13) Kuyambira tsapano, thangwe ranyi tin’funika kulimbisa cikhulupiro cathu, pomwe cimaliziro ca mkonzedwe uno wa bzinthu cinati kufika?​—Lu. 17:31, 32; 21:34-36.

Kufamba mwa cikhulupiro kumbathandauza (1) kukhulupira njira za Yahova, (2) kulekerera kuti njira zacezo zititsogolere, na (3) kulatiza kuti timbalemekeza bzinthu bzauzimu kuposa bzinthu bzakuthupi. Mbatitsimikizeni nthawe zense kufamba mwa cikhulupiro, ticikhulupira kuti ‘dziko linkuyenda pabodzi na bzikhumbo bzace, tsono omwe an’cita kufuna kwa Mulungu, an’dzakhala mwakuyenderera.’​—1 Ju. 2:17.