Kwadru Ya Mibvunzo

◼ Ni Lini Pomwe Mpsakuthemera Kuimisa Pfunziro la Bibliya?

Penu kukula mwauzimu kwa nyakupfunza kunkuyenda lini patsogolo, imwepo mungaimise pfunziro la Bibliyalo koma mwa ulemu. (Mat. 10:11) Zindikirani ibzi: Kodi iye ambagumanika pa nthawe yomwe mudapangana ndipo ambakhala wakukonzeka kuti mupfunzire? Kodi ambakonzekereratu pfunzirolo? Kodi iye nthawe zinango ambagumanika pa mitsonkhano ya gwere? Kodi ambauzambo winango bzomwe ankupfunza? Kodi ankucinja bzinthu pa moyo wace kuti bzibverane na mitemo ya m’Bibliya? N’cadidi kuti tin’funika kukumbukira bza magole yace yakubadwa na luso lace, ticimbazindikira kuti munthu ali-wense ambakula mwauzimu mwa njira zakusiyana-siyana. Tsono, penu mungaimise pfunziro la Bibliya, siyani mpata wakulatiza kuti iye akadzafuna pomwe, mungadzapitirize kupfunza naye kutsogolo.​—1 Tim. 2:4.