Tina Mwai Wakumanga na Kusamalira Mbuto Zathu za Kunamatira kwa Cadidi

Kumanga tempwlo ya Yahova mu Jirayeri kukhafunika mabasa mazinji na kudzonga bzinthu bzizinji. Na tenepo, Ajirayeri adathandiza basalo na nyongo. (1Nkha 29:2-9; 2Nkha 6:7, 8) Pomwe tempwloyo idamala kumangidwa, kuisamalira komwe Ajirayeri adacita kudalatiza penu akhali wauzimu ayai ne. (2Wam 22:3-6; 2Nkha 28:24; 29:3) Nsiku zino, Akristau ambamala nthawe zizinji na nyongo pa kumanga, kucenesa, na kusamalira Nyumba za Umambo na Nyumba za Mitsonkhano. Na tenepo, kuphatira basa Yahova mwa njira imweyi ni mwai ukulu ndipo ni mbali ya utumiki bwathu bwakupambulika.—Psal 127:1; Cibv 7:15.

TINGATHANDIZE MWA . . .

• 

  Kucenesa pambuyo pa m’tsonkhano uli-wense. Kukakhala kwakunesa kucita bzimwebzi, ndocitani bzomwe mungakwanise kuti musiye mbuto yomwe mukhadakhalayo idacena.

• 

  Kugumanikambo pa basa la kucenesa na kusamalira Nyumba ya Umambo. Wanthu azinji ambathandiza kuti basalo likhale lakukondwesa na labwino.—lv-CN 92-93 ndi. 18.

• 

  Kupereka thandizo la kobiri. Napo kupereka ‘tukobiri tuwiri tung’ono-tung’ono’ mwakucokera mu mtima timbakondwesa Yahova.—Mar 12:41-44.

• 

  Kubzipereka pa kuthandiza kumanga na kukonza-konza nyumba za m’gulu la Yahova penu mkhalidwe wanu unkubvumizani. Kumanga nyumba zimwezi kumbafuna lini kuti mukhaliretu na luso lakupambulika.