Khulupirani Yahova Ndipo Mbacitani Bzabwino

‘Lekani kukhumba kukhala ninga wanthu omwe ambacita bzakusaya kulungama’

37:1, 2

• Lekani kubvuma kuti kubva ciya na wanthu womwe bzinthu bzinkuwafambira bwino pa bzakuipa bzomwe ambacita kukutaziseni kutumikira Yahova. Ikhani makumbukidwe yanu pa bzinthu bzauzimu na bzisimbo bzakutsogolo

‘Khulupirani Yahova ndipo mbacitani bzabwino’

37:3

• Khulupirani kuti Yahova an’dzakuthandizani pa ciri-cense napo pa bzinthu bzomwe bzimbakucitisani thupo. Iye an’dzakuthandizani kukhala wakukhulupirika

• Tanganikani na kupalizira bzipsa bzabwino bza Umambo bwa Mulungu kwa winango

‘Gumanani cikondweso mwa Yahova’

37:4

• Khalani na ndondomeko ya kuwerenga Mafala ya Mulungu muciyakumbukira na cakulinga cakuti mumudziwe bwino Yahova

‘Bvumani kuti Yahova atsogolere njira zanu’

37:5, 6

• Khulupirani na mtima wense kuti Yahova an’dzakuthandizani kulimbana na bvuto liri-lense lomwe mungagumane nalo

• Mbapitirizani kulatiza khalidwe labwino pakulimbana na cizunzo, pa kutsutsidwa ayai pa kunyozedwa

‘Nyamalani pamaso pa Yahova ndipo mudikhireni na mtima wanu wense’

37:7-9

• Tcenkhani bzicito bzomwe bzingakubweresereni msunamo ayai bzomwe bzingakuikheni pangozi mwauzimu

‘Anyakulungama an’dzatambira dziko la pansi’

37:10, 11

• Lingani cirungamo ndipo dikhirani Yahova mwakubzicepsa, kuti iye apfudze kusaya cirungamo kwense komwe kunkukucitikirani

• Mbathandizani abale na mpfumakazi zathu, ndipo mbatsangalazani anyakusunama na mapiciro yakulewa bza dziko lipsa la Mulungu, lomwe linkubweralo