Kukulisa Luso Lathu mu Utumiki​—Phatisani Basa Mavidiyo Pakupfunzisa

THANGWE RANYI MPSAKUFUNIKA:

Kubva na kuwona mavidiyo, kungatokonye mitima ya wanthu. Bzimwebzi bzimbathandiza wanthu kutetekera bzomwe bzinkulewedwabzo. Yahova adapereka ciratizo cabwino kwene-kwene pa nkhani yakuphatisa basa bzinthu bzakucita kuwona pakupfunzisa.—Mab 10:9-16; Cibv 1:1.

Mavidiyo yakuti Kodi Mulungu Ali ndi Dzina?, Kodi Analemba Baibulo Ndi Ndani? na yakuti Kodi Tingadziwe Bwanji Kuti Baibulo Limanena Zoona? yambagumanika m’misolo 2 na3 ya broxura lakuti Bzipsa Bzabwino. Mavidiyo yakuti Thangwe Ranyi Tin’funika Kupfunza Bibliya?, Kodi Pfunziro la Bibliya Limbacitidwa Tani? na yakuti N’ciyani Cimbacitika mu Nyumba ya Umambo? yambalimbisa wanthu kupfunza nafe Bibliya na kugumanika pa mitsonkhano yathu ya gwere. Mavidiyo yathu manango makulu-makulu, yangaphatisidwembo basa kuti tithandize nayo anyakupfunza wathu wa Bibliya.—km-CN 5/13 tsa. 3.

MOMWE MUNGACITIRE:

• Mungacoseretu pa internet vidiyo yomwe mun’funa kawonesa mwenekaciro nyumba

• Konzekerani mbvunzo ubodzi ayai miwiri yomwe in’dzatawiridwa mu vidiyoyo

• Wonani vidiyoyo pabodzi

• Cezeranani nfundo zace

YEZERANI KUCITA IBZI:

• Wonani kumambuyo kwa kabodzi mwa tumatsamba twathu ndipo mulatizeni kodiko yomwe iri pa tsambalo, yomwe akacita sikani in’fungula vidiyo yakuti Thangwe Ranyi Tin’funika Kupfunza Bibliya?

• Latizani vidiyo yakuti Kodi Tingadziwe Bwanji Kuti Baibulo Limanena Zoona?, ndipo gawirani broxura lakuti Bzipsa Bzabwino, mucifotokoza msolo 3