Khalani na Moyo Wakutumbiza Yahova!

Moyo ni mphaso yakufunika kwene-kwene. Momwe timbaphatisira basa moyo wathu bzimbalatiza penu timbatenda mphasoyi ayai ne. Ninga Mboni za Yahova, timbaphatisa basa luso lathu kuti titumbize Yahova, omwe ni Mpasi wa moyo. (Psal 36:9; Cibv 4:11) Tsono kucita thupo na bzinthu bza moyo uno m’dziko lakuipali kungaticitise kutepa mwauzimu. (Mar 4:18, 19) Ndipopa ali-wense wa ifepano an’funika kubzibvunza kuti: ‘Kodi ndimbacita ciri-cense comwe ndingakwanise pa kutumikira Yahova? (Oze 14:2) Kodi basa langu na bzomwe ndimbasankhula bzimbatokonya tani utumiki bwangu? Kodi bzakulinga bzangu bza uzimu mpsiponi? Kodi ndingacite ciyani kuti ndithumizire utumiki bwangu?’ Mukawona kuti mun’funika kucinja cinthu cinango, pembani kuti Yahova akuthandizeni kucita bzimwebzo. Mwakusaya kupenukira, kutumbiza Yahova nsiku zense kumbatibweresera moyo wa wacikondweso!—Psal 61:8.

ONANI VIDIYO YAKUTI PHATISANI BASA LUSO LANU PAKUTUMIKIRA YAHOVA, NDIPO MUKAMALA TAWIRANI MIBVUNZO YAKUTEWERAYI:

• N’thangwe ranyi n’kusaya nzeru kupereka luso lathu ku dziko la Sathaniri? (1Ju 2:17)

• Kodi Yahova ambasimba tani wale omwe ambacita ciri-cense comwe angakwanise kuti amutumikire?

• Kodi mungaphatise basa maluso yanu pa mitundu iponi ya utumiki bwakupambulika?