“Mbalemekezani Pai Wanu na Mai Wanu”

Pomwe Jezu akhali pansi pano, iye adatsindika lamulo lakuti: ‘Mbalemekeza baba wako na mai wako.’ (Kuf 20:12; Mat 15:4) Jezu adalewa mafalaya mwakutsudzuka thangwe iye ‘adapitiriza kubvera’ abereki wace pomwe akhali tswaka. (Lu 2:51) Ndipo iye adacita makonzedwe yakuti mai wace ambasamaliridwe bwino pambuyo pa kufa kwace.—Ju 19:26, 27.

Mu nsiku zathu zino, maswaka yomwe yambabvera abereki wawo yambalatiza kuti yambawalemekeza. Kulewa cadidi lamulo lakuti abereki ambalemekezedwe liribe malire. Napo abereki akalambe, ifepano tin’funika kupitiriza kuwalatiza ulemu mwa kumbagumana phindu na nzeru zawo. (Mim 23:22) Ndipo tingalatizembo kuti timbalemekeza abereki wathu wakukalamba mwa kumbawatsangalaza na kuwasamalira mwakuthupi bzikafunikira. (1Tim 5:8) Bziribe basa penu ndife tswaka ayai mkulu, koma kumbalewalewa bwino na abereki wathu ni njira ibodzi yakulatizira kuti timbawalemekeza.

ONANI VIDIYO YA BZITHUNZI-THUNZI BZA PA KWADRU ICENA YAKUTI: KODI NDINGACITE TANI KUTI NDIMBAKWANISE KULEWALEWA BWINO NA ABEREKI WANGU? NDIPO MUKAMALA TAWIRANI MIBVUNZO YAKUTEWERAYI:

• Thangwe ranyi nthawe zinango bzingakuneseni kulewalewa bwino na abereki wanu?

• Kodi mungalatize tani ulemu pomwe munkulewalewa na abereki wanu?

  

• Thangwe ranyi mun’funika kucita nyongo yakumbalewalewa na abereki wanu? (Mim 15:22)